मँडम कामा

मँडम कामा भिकाजी रूस्तुम कामा हांचो जल्म ता. 24 सप्टेंबर 1861 हया दिसा एका पारशी कुटुंबांत जालो. तांच्या बापायचें नांव सोराबजी फ्रामजी पटेल आनी आवयचें नाव जयजीबाई. पारशी समाजांतली भारतीय क्रांतिवीर बायला आनी परदेशांतल्या भारतीय क्रांतिवीरांचें स्फूर्तीस्थान. तांचे शिक्षण मुंबयंत जालें. तांचो घरकार मुंबयांत एक नामनेचो साँलिसिटर आशिल्लो. भलायके खातीर ती 1902 वर्सा इंग्लंडाक गेलीं आनी थंयच तिचें राजकीय जिवीत सुरू जालें. दादाभाई नौरोजी ब्रिटिश संसदेंत वेंचून आयलो,तेत्रा तिणें ताका खुब पालव दिलो.पूण क्रांतिकाराक पींड आशिल्ल्यान तिका क्रांतिकाराक चळवळी विशीं ओड लागली.स्वतंत्र्यावीर सावरकर इंग्लंडांत येतकच ताच्या उलोवपाचो आनी असामान्य व्यात्किमत्वाचो तिचेर प्रभाव पडलो आनी ती अभिनव भारत संस्थेचो वांगडी जाली.उपरांत युरोपांतूच रावन स्वतंत्रतायेचे चळवळी खातीर तिणें आफ्लें जिवीत ओंपलें.क्रांतीकारक साहित्य उजवाडावप, भारता विशीं व्याख्यानां दिवप आनी भारतीय क्रांतीवीरांक सगळे तरेचो पालव दिवप, हें तिचें दिसपट्टें कार्य जालें.आँगस्ट 1907 वर्सा, जर्मनींत भरिल्ले आंतरराष्ट्रीय समाजवादी परिशदेंत सरदारसिंग राणा वांगडा तिणें वांटो घेतलो आनी ब्रिटीश प्रतिनिधींच्या विरोधाक पर्वा करिनासतना,भारतीय स्वातंत्र्या विशींचो प्रस्ताव मांडलो.त्याच वेळार भारतीय स्वातंत्र्यांचें प्रतीक म्हूण वंदे मातरम हो मंत्र आशिल्लो तिरंगी झेंडो तिणें चडयलो. 1935 वर्सा, ती भारतांत परत आयली.भारताच्या स्वातंत्र्या खातीर आपलें सर्वस्व ओंपपी भारतीय बायलां मदीं तिका मानाची सुवात आसा.